"طليقتي عايزة تدخل ابني مدرسة خاصة".. موظف أمام محكمة الأسرة

"مرتبي كله مش هيكفي مصاريف المدرسة اللي طليقتي عايزه تتخدل فيها ابني طيب هاكل من فين وهدفع الإيجار من فين طليقتي عايزة تقلل من شأني قدام ابني علشان أنا موظف على كدي"..بهذه الكلامات بدأ الزوج حديثه أمام محكمة الأسرة في الدعوى التي رفعتها طليقته ضده لدفع مصاريف مدرسة ابنه. 

بدأ الزوج يحكي قصته مع طليقته أمام محكمة الأسرة قائلًا.. "تزوجنا منذ أكثر من 15 عام وكنت موظف صغير وكانت تعلم حالتي المادية وبعد أن تزوجنا انقلب الحال رأسًا على عقب وبدأت حياتنا تمتلئ بالمشاكل على آخرها والتي وصلت إلى الطلاق بالتوافق فيما بيننا لكوني لا أحب المشاكل فوافقت على كل متطلباتها".

وأنهى الزوج حديثه أمام المحكمة في الدعوى التي رفعتها ضده طليقته قائلًا.. "عايزة تكسرني قدام ابني وتبينله ان بستخصر فيه الفلوس علشان ابني بيحبني حتى وهو معاها علشان عمري ما قصرت معاه في حاجة، هي عارفة إن مش هقدر ان ادفع فلوس المدرسة الخاصة عايزة تبين عجزي قدام ابني".